चुनावी तालमेलबारे देउवासंग छलफल गर्न बाबुराम बालुवाटार पुगे

नेपाल समाजवादी पार्टीका अध्यक्ष बाबुराम भट्टराई बालुवाटार गएका छन्।

आगामी चुनावबारे गठबन्धन गरेर जाने विषयमा कुराकानी गर्न भट्टराई आज बालुवाटार गएका हुन्।

समाजवादी पार्टी सत्ता गठबन्धनमै रहेर मंसिर ४ को चुनावमा जान चाहेको छ।

आगामी चुनावमा गठबन्धन गरेर जानेबारे प्रधानमन्त्री शेरबहादुर देउवासँग छलफल गर्न भट्टराई र यादव बालुवाटार गएका हुन्।

समसामयिक राजनीतिक घटनाक्रमबारे छलफल केन्द्रित रहेको समाजवादी पार्टीका नेता विश्वदीप पाण्डेले जानकारी दिए।

बाबुराम गोरखा २ मा चुनाव लड्ने तयारीमा रहेकाे समेत उनले जानकारी दिए । समाजवादी पार्टीले आफूहरू सत्ता गठबन्धनमै रहेको बताउँदै आएको छ।

बाबुरामसंगै पार्टीका अर्का अध्यक्ष महिन्द्र यादव समेत वालुवाटार गएका थिए ।