फेरि सर्‍यो कांग्रेस केन्द्रीय कार्यसमितिको बैठक

नेपाली कांग्रेसको केन्द्रीय कार्यसम्पादन समिति बैठक पुनः सरेको छ। बिहान ११ बजेका लागि बोलाइएको बैठक दिउँसो ३ बजेसम्मलाई सारिएको हो।

कांग्रेस केन्द्रीय कार्यालयका मुख्य सचिव कृष्णप्रसाद पौडेलले दिउँसो ३ बजे बैठक बस्ने बताए।

यसअघि शुक्रबार दिउँसो २ बजेका लागि बोलाइएको बैठक अन्तिम समयमा स्थगित गरिएको थियो। बैठकले महानगर र उपमहानगरपालिकाको मेयर र उपमेयरको उम्मेदवारको टुंगो लगाउनेछ।