अखिल नेपाल महिला संघ (क्रान्तिकारी) शहीद लखन गाउँपालिकाको अध्यक्षमा श्रेष्ठ

गोरखा। अखिल नेपाल महिला संघ (क्रान्तिकारी) शहिद लखन गाउँपालिकाको अध्यक्षमा लिला श्रेष्ठ सर्वसम्मत चयन भएकी छन् ।

बिहिबार शहीद लखन गाउँपालिकामा सम्पन्न अनेमसंघको भेलाले श्रेष्ठको अध्यक्षतामा ४५ सदस्यीय जिल्ला कमिटी गठन गरेको हो ।

जसको उपाध्यक्षमा सकुन थापामगर, तेजमाया गुरुङ, गिता परियार, सचिवमा संगिता थापा, सहसचिवमा शोभा श्रेष्ठ र कोषाअध्यक्षमा सरस्वती गैरेलाई चयन गरेको छ ।

पछि ६ सदस्य थप गर्ने गरि समिति गठन गरिएको अनेमसंघ क्रान्तिकारी शहीद लखन गाउँपालिकाकी उपाध्यक्ष इन्दिरा तिवारीले जानकारी दिए । भेलाको नेकपा माओबादी केन्द्रका केन्द्रीय सदस्य तथा संघिय सांसद हरिराज अधिकारीले उद्घाटन गरेका थिए ।

कार्यक्रममा पार्टीका केन्द्रीय सदस्य अमर तमु , पार्टीका गण्डकी प्रदेश समितिका सदस्यहरु शोभा लामिछाने,कृष्ण चेपाङ, रमेशकुमार श्रेष्ठ, लगायतको सहभागिता रहेको थियो ।