अध्यक्ष प्रचण्ड भन्छन् : एमसीसीबारे मैले गरेको निर्णय पार्टीमा विफल भए राजीनामा दिन्छु

नेकपा माओवादी केन्द्रका अध्यक्ष पुष्पकमल दाहाल प्रचण्डले अमेरिकी सहयोग परियोजना एमसीसीबारे पार्टीभित्रको विवादमा आफ्नो प्रस्ताव विफल भए राजीनामा दिने बताएका छन् ।

आइतबार विराटनगरमा पत्रकारहरुसँग कुरा गर्दै अध्यक्ष दाहालले एमसीसी विवादबारे पार्टीभित्र चुनावपछि फेरि छलफल गरिने भन्दै त्यसबेला आफ्नो निर्णय र प्रस्ताव विफल भए पदबाट राजीनामा दिने बताएका हुन् ।

‘आगामी चुनावपछि पार्टीमा एमसीसीबारे छलफल हुन्छ । प्रस्ताव फेल भयो भने राजीनामा दिन्छु, ढुक्क हुनुहोला।’ उनले भने ।

व्याख्यात्मक घोषणासहित एमसीसी पारित गरेर मुलुकलाई दुर्घटनामा जानबाट रोकाएको दावी गर्दै दाहालले पार्टीभित्र विमतीको स्वर राख्नेहरुलाई फेल गरेर देखाउन चुनौती दिएका हुन् ।