नारायणकाजी श्रेष्ठले लिखित रुपमै फरक मत राख्ने

सत्तारुढ नेकपा माओवादीको केन्द्रीय कमिटी बैठक आज बस्दैछ।

राष्ट्रियसभा गृहमा बिहान ११ बजे सुरु हुने केन्द्रीय कमिटी बैठकमा नेता नारायणकाजी श्रेष्ठले लिखित रुपमा फरक मत राख्ने भएका छन् ।

गत १३-१९ पुसमा सम्पन्न पार्टीको महाधिवेशन र ४ फागुनको संसदीय दलको निर्णयविपरीत ‘व्याख्यात्मक घोषणा’को भरमा अमेरिकी सहयोग परियोजना (एमसीसी) संसदबाट अनुमोदन गराउन पार्टी पक्षमा उभिएको भन्दै नेता श्रेष्ठले आपत्ति जनाउँदै आएका छन्।

‘नारायणकाजी कमरेडले आज बैठकमा फरक मत दर्ज गराउनु हुनेछ,’ श्रेष्ठ निकट केन्द्रीय सदस्य जीवन गौतमले भने, ‘उहाँको लिखित फरक मतलाई पार्टी नेतृत्व र बैठकले कसरी लिनेछ, त्यही अनुसार आगमी रणनीति तय हुनेछ ।’

उनका अनुसार बैठकमा राखिएको फरक मतका बारेमा पार्टी केन्द्रीय कमिटीमा घनिभुत छलफल हुनुपर्ने माग श्रेष्ठले अध्यक्ष पुष्पकमल दाहाल ‘प्रचण्ड’सँग राखेका छन् ।