कांग्रेस जिल्ला सभापतिकै भएन सदस्यता नवीकरण

नेपाली कांग्रेसको रुकुम पूर्वका सभापति केशरमान रोकाको क्रियाशील सदस्यता नवीकरण नभएको पाइएको छ। 

केन्द्रीय निर्वाचन समितिले पार्टीको वेवसाइटमा प्रकाशित गरेको क्रियाशील सदस्यताको सूचीमा उनको नाम समावेश गरिएको छैन।

रोका पूर्व स्थानीय विकास सहायक मन्त्री पनि हुन्।

भदौ १० मा निर्वाचन समितिले रुकुम पूर्वसहित ३८ जिल्लाका क्रियाशील सदस्यहरुको सूची प्रकाशित गरेको थियो।