अफगानिस्तानमा रहेका नेपालीको छिटो उद्दार गर्ने सरकारको निर्णय

काठमाडौं । सरकारले अफगानिस्तानमा रहेका नेपालीहरुको छिटो उद्दार गर्ने निर्णय गरेको छ ।

सोमबार विहान बसेको मन्त्रिपरिषद्को बैठकले अफगानिस्तानमा रहेका नेपालीहरुको सकुशल रूपमा छिटो उद्धार गर्ने निर्णय भएको हो ।

उक्त निर्णय गर्दै समन्वयात्मक रुपमा काम अगाढि बढाउन सम्बन्धित निकायहरुलाई निर्देशन दिएको बैठकपछि सरकारका प्रवक्ता ज्ञानेन्द्रबहादुर कार्कीले जानकारी दिए ।

अफगानिस्तानमा विद्रोही समूह तालिबानले कब्जा जमाएपछि राजधानी काबुलमा भयको वातावरण छ ।

त्यहाँ करिब १५ सय नेपालीहरु रहेको अनुमान छ । उनीहरुको अवस्था थाहा हुन नसकेकाले सम्पर्कमा आउन सरकारले आह्वान गरेको छ ।