बुढानिलकण्ठमा कांग्रेस पदाधिकारी बैठक सुरू

काठमाडौं । नेपाली कांग्रेसका सभापति शेरबहादुर देउवाको निवास बुढानिलकण्ठमा पदाधिकारी बैठक बसेको छ।

बैठक केहीबेर अगाडि सुरू भएको हो। बैठकमा पदाधिकारी र पूर्वपदाधिकारीहरू उपस्थित छन्।

अहिले पदाधिकारी बैठक जारी रहेको सभापति देउवाका स्वकीय सचिव भानु देउवाले बताए।

सभापति देउवासहित विपक्षी ५ दलका शीर्ष नेता मंगलबार सिंहदरबारस्थित पार्टी संसदीय दलको कार्यालयमा बैठक बसेका थिए।

• 

• 

आफूलाई बहुमत हुँदाहुँदै राष्ट्रपतिले प्रधानमन्त्री नियुक्त नगरेको विरोधमा देउवाले १४६ सांसदसहित सर्वोच्चमा रिट दिएका छन्।

अब कसरी अगाडि बढ्ने र १४ औं महाधिवेशन तयारीबारे आवश्यक रणनीति तय गर्न आज देउवाले पदाधिकारी बैठक राखेका हुन्।