कोरोना संक्रमित बोक्न काँग्रेसका गोरखा नगर सभापतिले दिए निशुल्क गाडी

गोरखा । काेराेना संक्रमितलाई अस्पतालसम्म सहज रुपमा लैजानका लागि नेपाली कांग्रेसका गोरखा नगरसभापति चन्दनबाबु खत्रीले आफै चढ्ने गाडी गाेरखा नगरपालिकालाई हस्तान्तरण गरेका छन् ।

बिहिबार नगरपालिकाकाे कार्यालयमा पुगेर खत्रीले नगरप्रमुख राजनराज पन्तलाई आफ्नाे नीजि गाडी हस्तान्तरण गरेका हुन ।

काेराेना भाइरसकाे दाेस्राे लहरकाे महामारी न्युनिकरण र राेकथाम गर्न नगरपालिकाकाे अभियानलाई सहयाेग गर्ने उदेश्यले आफुले चढ्दै आएकाे बा १६ च २००१ गाडी चालक सहित निशुल्क उपलब्ध गराएकाे खत्रीले सिभिलखबरलाई जानकारी दिए ।

नगर क्षेत्रका संक्रमितले एम्बुलेन्स नपाएर उपचारबाट बञ्चित हुने अवस्थालाई केहि हदसम्म यसले राेक्ने समेत उनकाे बिस्वास छ । ‘हामी जनताकाे पिडामा साथमै छाै’ सभापति खत्रीले भने ‘याे महामारीसंग जुध्न सरकार एक्लैले सक्दैन, हामी सबैले साथ दिन जरुरी छ ।’

साथै उनले गाडीकाे सदुपयाेग गरी पिडितकाे उद्धार र उपचारमा सहयाेग पुग्ने गरी सञ्चालन गर्न समेत नगरपालिकालाई अनुराेध गरेका छन् ।

यता गोरखा नगरपालिकाका मेयर राजनराज पन्तले खत्रीकाे याेगदानकाे प्रशंसा गरेका छन् । ‘हामीसंग अहिले आफ्नै एम्बुलेन्स छैन, दुई वटा एम्बुलेन्स खरिदकाे प्रकृयामा छाै’ पन्तले भने ‘यस्ताे असहज परिस्थितीमा काँग्रेस नगर सभापतिले आफु चढेकाे गाडी दिएर काेराेना राेकथाम अभियानमा ठूलाे याेगदान दिनुभयाे ।’

• 

• 

साथै उनले नगरपालिकाले कुनै हालतमा गाडीकाे दुरुपयाेग नगर्ने प्रतिवद्धता समेत ब्यक्त गरेका छन् । ‘यस्ताे बेला बिचार र वाद भन्दापनि ठूला कुरा सहयाेगकाे भावना हाे’ उनले भने ‘गाडी काेराेना राेकथाम र उपचारकाे अभियान बाहेक अन्त प्रयाेग हुदैन ।’

साथै नगरपालिकाले बिहिबारै उक्त गाडी स्वास्थ्य शाखालाई जिम्मा लगाएकाे छ ।

• 

•