ओलीले शक्ति आफूमा केन्द्रित गरेर सबैमाथि खड्ग चलाइँदैछ : बाबुराम भट्टराई

जनता समाजवादी पार्टीका संघीय परिषद् अध्यक्ष डा. बाबुराम भट्टराईले प्रधानमन्त्री केपी शर्मा ओलीले पार्टी र राज्यको शक्ति आफूमा केन्द्रित गरेर सबैमाथि खड्ग चलाइरहेको आरोप लगाएका छन् ।

सामाजिक सञ्जाल ट्वीटरमा आज बिहान ट्वीट गर्दै भट्टराईले ओली हिटलर शैलीमा सत्ता चलाइरहेको आरोप लगाएका हुन् ।

शनिबारको एमाले संसदीय दल र केन्द्रिय समिति बैठकले विधान संशोधन गरेर प्रधानमन्त्री ओलीलाई थप शक्ति दिने निर्णय गरेको थियो । सो निर्णयप्रति लक्षित गरेर पूर्वप्रधानमन्त्री समेत रहेका भट्टराईले ओली प्रवृत्तिविरुद्ध टिप्पणी गरेका हुन्

• 

• 

पूर्वप्रधानमन्त्री डा. भट्टराईले लेखेका छन् हिटलरबारे चर्चित भनाइ छ– ‘पहिले उनीहरू यहुदीविरूद्ध जाइलागे, म बोलिनँ। किनकि म यहुदी थिइनँ…अन्त्यमा उनीहरू मविरूद्ध आइलागे,कोही पनि बोलेन। किनकि कोही पनि बाँकी थिएन!’ ‘नेपाली हिटलरको उदय त्यसरी नै भैरहेछ ! उसले पार्टी, राज्यको शक्ति आफूमा केन्द्रित गरेर सबैमाथि खड्ग चलाउँदैछ । होसियार !

हिट्लरबारे चर्चित भनाइ छ-‘पहिले उनीहरू यहुदीविरूद्ध जाइलागे,म बोलिनॅ किनकि म यहुदी थिइनॅ;…अन्त्यमा उनीहरू मबिरूद्ध आइलागे,कोही पनि बोलेन किनकि कोही पनि बाॅकी थिएन!’नेपाली हिट्लरको उदय त्यसरी नै भैरहेछ!उसले पार्टी,राज्यको शक्ति आफुमा केन्द्रित गरेर सबैमाथि खड्ग चलाउॅदैछ!होशियार!

— Baburam Bhattarai (@brb1954) March 21, 2021