अहिले दीपावली हैन गम्भीर आत्मसमीक्षा गर्ने बेला हो: बाबुराम भट्टराई

काठमाडौँ । भारतमा उपचाररत जनता समाजवादी पार्टीका संघीय परिषद् अध्यक्ष डा.बाबुराम भट्टराईले अहिले दीपावली नगरेर गम्भीर आत्‍मसमीक्षा गर्नुपर्ने बेला भएको बताएका छन् ।

संसद पुनर्स्थापनाको खुशियालीमा मंगलबार साँझ नेकपाको प्रचण्ड नेपाल पक्षीय नेता कार्यकर्ताले दीपावली गरेपछि बुधबार बिहान सामाजिक सञ्जालमा भट्टराईले लेखेका छन्, ‘अहिले दीपावली हैन गम्भीर आत्मसमीक्षा गर्ने बेला हो ! देश पुस ५ मा फर्केको मात्र छस् यी सबै प्रश्न अनुत्तिरत छन्ः भष्मासुरलाई कसले हुर्कायो/पाल्यो ? राजनीतिलाई राज्यदोहनको साधन कसरी बनाइयो ? राजनीतिक नेतृत्व यति भ्रष्ट/मूल्यमान्यताविहीन कसरी बन्यो ? त्यसलाई तुरून्तै जनताले पत्याउने कसरी ? ममः भनौं !’ भट्टराईले ट्‍वीट गरेका छन् ।

मंगलबार सर्वोच्चले संसद पुनर्स्थापनाको निर्णय गर्दा उनले सामाजिक सञ्जालमा लेखेका थिए, ‘सर्वोच्च अदालतले भष्मासुरको वध गरेर लोकतन्त्रको रक्षा गरेको खबर सुन्दा आफ्नो रोगै हराएको जस्तो भएको छ।’