दुर्घटनामा परेकालाई प्रदेश प्रमुखले पुर्‍याए अस्पताल

प्रदेश २ का नवनियुक्त प्रदेश प्रमुख डा.राजेश झा अहिराजले सडक दुर्घटनामा परी छट्पटाइरहेका चार जनालाई उद्धार गरी अस्पताल पुर्‍याएका छन्।

प्रदेश प्रमुख झा जनकपुरधामबाट बाराको जितपुर जाने क्रममा निजगढ जंगलमा सडक दुर्घटनामा परी ४ जना छट्पटाइरहेको देखेपछि उनीहरुलाई रौतहटको चन्द्रनिगाहपुरस्थित अस्पतालमा पठाउने व्यवस्था गरेका हुन्।

सरकारले गत शुक्रबार प्रदेश प्रमुख तिलक परियारलाई पदमुक्त गरी उनको ठाउँमा झालाई नियुक्त गरेको थियो।