राष्ट्रिय जनमोर्चाका अध्यक्ष केसीलाई कोरोना संक्रमण

काठमाडौं । राष्ट्रिय जनमोर्चाका अध्यक्ष चित्रबहादुर केसीलाई कोरोना संक्रमण पुष्टि भएको छ।

बुधबार अध्यक्ष केसीको पीसीआर रिपोर्ट पोजिटिभ आएको उनकी छोरी रितु केसीले जनाकारी दिइन्।

अध्यक्ष केसी केही दिनदेखि अस्वस्थ थिए। झण्डै एक महिनादेखि बुटवलमा रहेका केसीमा रुघा, खोकी तथा ज्वरो आउने समस्या देखिएपछि उनको पीसीआर परीक्षण गरिएको थियो। रिपोर्ट नेगेटि आए पनि स्वास्थ्यमा सुधार नभएपछि उनी मंगलबार काठमाडौँ आएका थिए।

मंगलबार नै उनलाई मेडिसिटी अस्पतालमा भर्ना गरिएको थियो। अहिले उनको स्वास्थ्य अवस्था सुधारोन्मुख रहेको बताइएको छ।