राष्ट्रसंघीय मानव अधिकार परिषद्‍मा नेपाल पुनः निर्वाचित

काठमाडौँ । संयुक्त राष्ट्रसंघ मानव अधिकार परिषदको सदस्यमा नेपाल पुनः निर्वाचित भएको छ ।

राष्ट्रसंघको मुख्यालयमा मामंगलबार राति भएको मतदानमा नेपाल पुनः निर्वाचित भएको हो । सन् २०२१—०२३ सम्मका लागि नेपाल निर्वाचित भएको हो।

यसअघि सन् २०१८—०२० का लागि नेपाल निर्वाचित भएको थियो। एसिया प्रशान्त क्षेत्रको सदस्यका रुपमा नेपालसँगै चीन, पाकिस्तान र उज्वेकिस्तान पनि निर्वाचित भएका छन्। गोप्य रुपमा भएको मतदानमा नेपालले १ सय ५० मत प्राप्त गरेको परराष्ट्र मन्त्रालयले जनाएको छ।

तीनवर्षे नयाँ कार्यकाल सन् २०२१ जनवरीबाट सुरु हुनेछ। एसिया प्रशान्त क्षेत्रबाहेक अन्य क्षेत्रका सदस्य चुनावी प्रतिस्पर्धाबिनै निर्वाचित भएका हुन्।