गगनले भने : पशुपति क्षेत्र विकास कोषको नयाँ गुरुयोजना खारेज गर्नुपर्छ

नेपाली कांग्रेसका युवा नेता गगनकुमार थापाले पशुपति क्षेत्र विकास कोषको नयाँ गुरूयोजना खारेज गर्नुपर्ने माग गरेका छन् ।

बुधबार सामाजिक सञ्जाल ट्विटरमार्फत सांसद थापाले नयाँ गुरूयोजना खारेज गरेर पुरानो गुरूयोजनाको समीक्षा गर्दै सरोकारवाला सबैको सहभागितामा वास्तविक गुरूयोजना बनाउनुपर्ने बताएका हुन् ।

‘पशुपति क्षेत्र विकास कोषको नयाँ गुरुयोजना न त निर्माण प्रक्रिया मिल्छ न त सामाग्री नै। यो गुरुयोजना नै हैन ! अतः यसलाई खारेज गरौँ’, नेता थापाले ट्विटरमा लेखेका छन्, ‘पुरानो गुरुयोजनाको सम्पूर्ण समीक्षा गरौँ।तत्पश्चात् मात्रै हामी सरोकारवाला सबैको सहभागितामा वास्तविक गुरुयोजना बनाऔँ भन्ने सरकारसँग हाम्रो माग हो।’