प्रदेश ५ : नेकपा संसदीय दलको बैठक सुरू

काठमाडौँ । प्रदेश ५ को राजधानी र नामबारे निर्णय गर्न प्रदेशका सत्तारूढ नेपाल कम्युनिष्ट पार्टी (नेकपा) को संसदीय दलको बैठक सुरू भएको छ । बिहान सात बजेका लागि बोलाइएको बैठक ११ बजेपछि सुरू भएको हो।

मुख्यमन्त्री शंकर पोखरेल ढिला आएकाले बैठक ढिला गरी सुरू भएको एक प्रदेशसभा सदस्यले जानकारी दिए ।

कडा सुरक्षाको बीच बैठक सुरु भएको छ । बैठकस्थल बाहिर व्यापक मात्रामा प्रहरी परिचालित गरिएको छ ।

मन्त्रिपरिषद्ले प्रदेश को राजधानी दाङको भालुवाङ र नाम लुम्बिनी राख्ने प्रस्ताव गरेको हो। उक्त प्रस्ताव प्रदेशसभामा पेस भएको छ । उक्त प्रस्तावमाथि छलफल गर्न प्रदेशसभा बैठक डाकिएको हो ।