नेकपा बैठक सर्‍यो

यसअघि भदौ १३ गतेका लागि तय भएको बैठक स्थगित गरि आज बिहान लागि बोलाइएको सत्तारुढ नेकपाको सचिवालय बैठक दिउँसो ३ बजेका लागि सरेको छ।

बिहीबार बिहान ११ बजेका लागि बोलाइएको बैठक ३ बजेका लागि सारिएको नेकपाका महासचिव विष्णु पौडेलले जानकारी दिए। उनले बैठक सार्नुपर्नाको कारणबारे भने खुलाएनन्।

बिहीबार बस्ने सचिवालय बैठकमा निर्णय गरेर मन्त्रिपरिषद्बाट मनोनयनका लागि उम्मेदवार सिफारिस गर्ने सहमति अध्यक्षद्वयबीच भएको छ ।

तर बुधबार साँझको भेटमा पनि प्रधानमन्त्री ओलीले खतिवडाको पक्षमा अडान राखेको र दाहालले पार्टी सचिवालयको निर्णयअनुसार गौतमलाई राष्ट्रिय सभा सदस्य बनाउनुपर्ने भनाइ दोहोर्‍याएको उनीहरूका निकट स्रोतले जानकारी दियो ।