गण्डकी प्रदेश पर्यटन समाचार समाज हाइलाइट-समाचार

कतारी राजकुमारी आस्मा गोरखामा, मनासलु हिमाल आराेहणकाे तयारी

गोरखा । कतारी राजकुमारी शेखा आस्मा अल थानीले गोरखाको मनास्लु हिमाल आरोहण गर्ने भएकी छिन्। राजकुमारी शेखाले ८,१६३ मिटर अग्लो मनास्लु सोमबार आरोहण गर्ने तयारीमा रहेकी उनलाई आरोहण गराउने कम्पनी इलाइट हिमालय एड्भेञ्चरले जनाएको छ। उनी आरोहणका लागि अहिले मनास्लुको तेस्रो शिविरमा अभ्यास गरिरहेकी छिन्। 

‘आस्मा अल थानी अहिले क्याम्प ३ मा हुनुहुन्छ। उहाँले सोमबार बिहान आरोहण गर्दै हुनुहुन्छ’, इलाइट हिमालय एड्भेञ्चरका कुशल बुढाथोकीले भने, ‘उहाँ लगायतका टिमको गाइडका लागि कीर्तिमानी आरोही मिङ्मा डेविड शेर्पा, निर्मल पुर्जा र मिङ्मा तेञ्जिङ शेर्पा खटिनु भएको छ।’ टिममा ३२ जना आरोही  रहेको उनले बताए। 

राजकुमारी अल थानी विश्वका सात महादेशका सात सर्वोच्च शिखर आरोहण गर्ने र दुई ध्रुवमा पाइला राख्ने लक्ष्यसहित सगरमाथा आरोहणका लागि गत वसन्त ऋतुमा नेपाल आएकी थिइन्। मौसम प्रतिकूल भएपछि अहिले मनास्लु आरोहणको क्रममा रहेकी हुन्।

यसअघि उनले दक्षिण अमेरिकाको ६,९६९ मिटरको माउन्ट एकोनकागुआ, अफ्रिकाको ५,८९५ मिटर अग्लो माउन्ट किलिमन्जारो र यूरोपको ५,६४२ मिटर अग्लो माउन्ट एल्ब्रस आरोहण गरिसकेकी छिन्।

याे खबर आजकाे अन्नपूर्ण पाेष्टमा छ ।

Related posts

गण्डकीमा काेराेनाबाट मृत्यु हुनेकाे संख्या १ सय ४४ पुग्याे

civilkhabar

कोरोना संक्रमणबाट वडाध्यक्षको मृत्यु

civilkhabar

घाइते महिलालाई एक्साभेटर चालकले जिउँदै खाडलमा पुरे

civilkhabar

Leave a Comment