प्रदेश ३ समाचार समाज

झण्डै १९ लाख नगदसहित १३ जुवाडे पक्राउ


काठमाडौंको कागेश्वरी मनोहरा नगरपालिका— ७ हरहरमहादेवबाट झण्डै १९ लाख नगदसहित १३ जना जुवाडे पक्राउ परेका छन् ।

हरहरमहादेवस्थित कमल दाहालको घरबाट जुवा खेलिरहेको अवस्थामा प्रहरी प्रभाव काँडाघारीको टोलीले बुधबार राति साढे १२ बजे उनीहरूलाई नियन्त्रणमा लिएको हो । पक्राउ पर्नेमा केही महिला पनि रहेका छन् ।

पक्राउ परेकाहरूको साथबाट १८ लाख ७५ हजार ५०० नगद र ७ जोर तास बरामद गरिएको प्रहरीले जनाएको छ ।

साथै उनीहरूबाट प्रति क्वाइन दश हजार ‘भ्यालु’ रहेका ४० वटा ग्रिन क्वाइन, ५०० भ्यालु भएका ८० वटा रेड क्वाइन र एक हजार भ्यालु भएका १४० वटा ब्ल्यु क्वाइन पनि बरामद भएको छ ।

पक्राउ परेका १३ जनालाई प्रहरी वृत्त बानेश्वमा राखी अनुसन्धान भैरहेको प्रहरी परिसर काठमाडौंले जनाएको छ ।

Related posts

मन्त्रिपरिषद विस्तारविरुद्ध अन्तरिम आदेश, २१ मन्त्री पदमुक्त

civilkhabar

सार्वजनिक यातायात पूर्ण क्षमतामै सञ्चालन गर्न प्रस्ताव

civilkhabar

थप ३० जना प्रहरीमा संक्रमण पुष्टि

civilkhabar

Leave a Comment