गोरखा । गोरखाको लाप्राक स्थित एक घरमा आलगाली भएको छ ।
धार्चे गाउँपालिका ४ लाप्राकका रामबहादुर गुरुङको घरमा दिउँसो करिब ३ बजे एक्कासी आगलागी हुदा घर पूर्ण रुपमा नष्ट भएको वडाध्यक्ष राज गुरुङले सिभिलखबरलाई बताए ।
ढुंगामाटोले बनेको २ तले घर जलेर नष्ट भएको हो । २ बर्षअघिदेखि सो घर खाली रहेकाले घटनामा मानविय क्षती नभएको जिल्ला प्रहरी कार्यालय गोरखाका एसपी सुरेन्द्र बहादुर गुरुङले जानकारी दिए ।
आगलागीबाट करिब ८/९ लाख बराबरको धनमाल क्षती भएको स्थानीयको भनाईलाई उद्दृत गर्दै एसपी गुरुङले बताए ।
आगलागीबाट घरमा रहेको भाँडाकुडा, काठ लगायतका सामाग्री जलेर नष्ट भएको बताइएको छ ।
घरमा लागेको आगो करिब डेढ घण्टापछि स्थायी प्रहरी युनिट लाप्राकबाट खटिएका प्रहरी र स्थानीयको प्रयासमा नियन्त्रणमा आएको थियो । तस्विर : तुले गुरुङ्ग/ लाप्राक
