गण्डकी प्रदेश समाचार समाज स्वास्थ्य हाइलाइट-समाचार

गण्डकी प्रदेशमा आजै थपिए ६५ कोरोना सङ्क्रमित

गण्डकी प्रदेशमा आज बिहान मात्र ६५ जनामा कोरोना सङ्क्रमण पुष्टि भएको छ।

प्रदेश स्वास्थ्य निर्देशनालयको पछिल्लो जानकारीअनुसार सङ्क्रमित सबै कन्ट्याक्ट ट्रेसिङका आधारमा पहिचान भएका हुन् ।

यससँगै गण्डकीमा हालसम्म दुई हजार ९६८ जनामा कोरोना पुष्टि भएको छ ।

प्रदेशको पछिल्लो अपडेटमा थप २९ जनामा कोरोना पुष्टि भएसँगै एकै दिन ६५ पुगेको हो।

तीमध्ये लमजुङको सुन्दरबजार १०, नवलपुरको विनयी त्रिवेणी ६, तनहुँको व्यास एक, म्याग्दे चार, स्याङ्जाको गल्याङ एक तथा गोरखाको गोरखा नगरपालिका तथा भीमसेन गाउँपालिकामा सात गरी २९ जनामा कोरोना पुष्टि भएको हो ।

त्यसैगरी प्रदेशमा ५६१ जना क्वारेन्टिनमा रहेका छन् भने सक्रिय संक्रमित एक हजार १८ छन्। आजसम्म एक हजार ८६१ निको भएर घर फर्किएका छन्। गण्डकीमा हालसम्म २४ जनाको कोरोनाका कारण मृत्यु भएको छ।

Related posts

कुशुम र मौसमले ल्याए ‘यो बादल यो वर्षा’ (भिडियो)

civilkhabar

रुकुम पश्चिम घटनाः बिरोध प्रदर्शन सहित गृह मन्त्रालयलाई ज्ञापन पत्र ।

civilkhabar

कोरोना संक्रमणबाट २५ वर्षीय युवकको मृत्यु

civilkhabar

Leave a Comment